Fshatrat Belorta dhe Kuç në qarkun e Korçës, të njohura për traditën e kultivimit të qershisë, po përballen me një vit shkatërrues për bujqësinë.
Temperaturat ekstreme dëmtuan tërësisht prodhimin, duke lënë pemët pa fruta dhe fermerët pa të ardhura.
Përballë kësaj krize, nga ana e qeverisë nuk u ndërmor asnjë masë konkrete për të ndihmuar fermerët, ndërsa kompanitë e sigurimit refuzojnë të sigurojnë pemëtoret për shkak të riskut të lartë.
Mungesa e mbështetjes nga institucionet dhe pamundësia për të siguruar prodhimin i ka lënë fermerët në një situatë të vështirë duke ndikuar në ekonominë e tyre familjare.
