Pojani është një nga fshatrat me të mëdhenj të bashkisë së Maliqit, fshat i cili prej disa vitesh organizon Festën e Trëndafilave.
Festë e cila tërheq jo vetëm banorët e zonës por dhe të tjerë, madje e nga qyteti i Korçës.
Lizana Arapi është një nga banoret e këtij fshati e cila ashtu si banoret e tjera ka “qëndisur” oborrin e saj me trëndafila.
“Është një punë që e bëj me shume dashuri” – thotë ajo.
Rakela Shehu dhe Klea Petre janë dy nxënëse të shkollës 9 vjeçare “Bardhyl Pojani” , të cilat bashkë me nxënëse të tjera kanë sjellë në këtë festë gatime tradicionale të zonës mbi të gjitha likerat e trëndafilit.
Fshatra të bashkisë së Maliqit vitet e fundit janë vizituar shumë nga turistë vendas e të huaj. E gjithë kjo sipas kryetarit të bashkisë Gezim Topciu ka ardhur për shkak të promovimit që është bërë vit pas viti duke organizuar festa të tilla.
Festa e Trëndafilave u mbajt për të gjashtin vit radhazi ndërsa çdo vit pushteti lokal mbjell mbi 1000 trëndafila në këtë fshat.
