Drejtoria Vendore e Policisë Korçë ka vënë në pranga dy shtetas për drejtim automjeti në gjendje të dehur, ndërsa një tjetër po hetohet për kanosje.
Sipas policisë, në aksin rrugor “Korçë–Ersekë” u arrestua në flagrancë shtetasi I. Sh., 51 vjeç, banues në fshatin Mborje, pasi u kap duke drejtuar automjetin në gjendje të dehur.
Po ashtu, në lagjen nr. 14, Korçë, u arrestua shtetasi O. Z., 38 vjeç, banues në fshatin Neviçisht, i cili duke drejtuar mjetin në gjendje të dehur është përfshirë në një aksident rrugor, duke përplasur dy automjete të parkuara. Si pasojë e përplasjes u dëmtua një 45-vjeçar, pasagjer në njërin prej mjeteve, i cili ndodhet në spital jashtë rrezikut për jetën.
Ndërkohë, specialistët për Hetimin e Krimeve referuan materialet në Prokurori për shtetasin G. T., 50 vjeç, banues në Korçë, i cili dyshohet se ka kanosur një 67-vjeçar në lagjen nr. 13.
Materialet procedurale i janë referuar Prokurorisë së Korçës për veprime të mëtejshme.
