Për trasparencë me qytetarët, për të ndarë opinion tim modest dhe sigurisht për të dëgjuar opinionin tuaj.
Gjatë fushatës 2023 u bë përzgjedhja e projektit të stadiumit të Korçës dhe zhvillimit të gjithë zonës sportive. Për hir të së vërtetës nuk pati konsultim të gjërë publik edhe pse qytetarët u ftuan të shohin prezantimin e projekteve dhe përzgjedhjen e bëri juria e drejtuar nga Edi Rama. Na u tha që projekti Italian ishte më i pëlqyeshmi por tepër i kushtueshëm ndaj u zgjodh projekti i dytë i studios Cebra.
Projekti u nda në 3 nën projekte. Stadiumi, pallatit i sportit e pishina.
Lajm i mirë: rikonstruksioni i pallatit të sportit është në proces tenderimi e do nisë së shpejti. 250 milion lek të reja nga Fondi Shqiptar i Zhvillimit dhe 38 milion të tjera nga MAS dhe Bashkia Korçë.
Lajm i keq: FSHZh nuk ka fonde për stadiumin.
Zgjidhja: Bashkia kërkon ndihmë nga Korporata Shqiptare e Investimeve e cila lidh marrdhëniet me një investitor strategjik I cili me fondet e veta do ndërtojë stadiumin për qytetin e Korçës dhe do përfitojë mundësinë për të ndërtuar gjithë objektet private rreth stadiumit të dedikuara për aktivitete tregtare (hotele, bar restorante e zyra)
Opinioni im modest:
Sigurisht që më gëzon ndërtimi i një stadiumi modern dhe zhvillimi i gjithë zonës. Por shoh disa problematika
* Nuk u konsultuan qytetarët për këtë projekt
• Bashkia nuk ka bërë ende kërkesa për ndryshime në projekt si psh rikthimi i një piste atletike olimpike që humbet tek stadiumi i ri dhe që është ngritur si problematikë nga komuniteti sportiv i qytetit.
• Ka një dilemë të madhe morale, mbase dhe ligjore, për statusin e pronarëve të truajve rreth stadiumit, pronat e të cilëve nuk janë kthyer pasi ishin në statusin e lulishteve ndërsa tani do ju jepen invesitorit strategjik për aktivitete biznesi. Shpronësimi bëhet vetëm për interes publik e këtu interesi publik humbet dhe lind e drejta e tyre për kompesim sipas çmimeve të tregut.
• Shkatërimi i dy lulishteve publike njëra tashmë 70vjeçare, pra zvoglim i hapësirave të gjelbera në favor të betonizimit
• Komplikime të rrjetit rrugor, ngadalësim i trafikut dhe zvoglim i vendparkimeve publike.
Po opinioni juaj cili është?
p.s. Për kë është i interesuar ditën e hënë ora 12:00 kjo çështje do diskutohet në këshilli bashkiak. Pronarët e truajve por dhe komuniteti sportiv është i ftuar të marrë pjesë aktive.
Nga Klajdi Pllaha
