Drejtoria Vendore e Policisë Korçë njofton se specialistët për Hetimin e Krimeve në komisariatet e Pogradec dhe Maliq kanë ndërmarrë disa veprime procedurale për raste të ndryshme dhune dhe konflikteve familjare.
Në Komisariatin e Policisë Pogradec, u arrestuan në flagrancë shtetasit E. H., 39 vjeç dhe S. H., 45 vjeç, banues në fshatin Petrushë, të cilët janë vëllezër, pasi dyshohet se për motive pronësie kanë ushtruar dhunë fizike ndaj njëri-tjetrit, duke pësuar dëmtime të lehta.
Po ashtu, u referuan materialet në Prokurori për shtetasin A. L., 41 vjeç, banues në Pogradec, i dyshuar për ushtrim dhune psikologjike ndaj djalit të tij të mitur. Një tjetër procedim penal nisi edhe për shtetasin Gj. Ç., 50 vjeç, i cili dyshohet se në fshatin Podgozhan ka pushtuar me vetëgjyqësi një sipërfaqe toke në pronësi të një 41-vjeçareje.
Ndërkohë, në Komisariatin e Policisë Maliq, u referuan materialet për shtetasit Sh. G., 62 vjeç dhe Xh. G., 66 vjeç, banues në fshatin Pojan, të cilët janë vëllezër dhe dyshohet se kanë ushtruar dhunë psikologjike ndaj njëri-tjetrit, për shkak të një konflikti lidhur me punime ndërtimi pa leje.
Gjithashtu, nisi procedimi penal për shtetasin S. G., 20 vjeç, banues në fshatin Drithas, pasi dyshohet se ka ushtruar dhunë fizike dhe psikologjike ndaj gjyshes së tij, e cila është pajisur me urdhër mbrojtjeje.
Materialet procedurale i kaluan Prokuroria e Korçës për veprime të mëtejshme.
Në një njoftim shtesë, policia bëri me dije se 17-vjeçari nga Korçë, i raportuar i larguar nga banesa më 26.02.2026, është gjetur dhe është kthyer pranë familjes. Ai ka deklaruar se ishte larguar me dëshirën e tij.
