KF Pogradeci ka dhuruar spektakël përpara tifozëve të tij, duke mposhtur bindshëm Kastriotin me rezultatin e pastër 4-0 në ndeshjen e radhës të Kategorisë së Parë.
Verdheblutë e nisën fort që në minutat e para. Greca ishte ai që zhbllokoi sfidën në minutën e 11-të, duke i dhënë Pogradecit qetësinë e duhur për të kontrolluar lojën. Në pjesën e dytë, dominimi u shndërrua në gola të tjerë.
Pius dyfishoi avantazhin në minutën e 55-të, ndërsa Babatunde vulosi praktikisht fitoren në të 62-n.
Në fund, për të kompletuar ndeshjen perfekte, Santi shënoi golin e katërt në minutën e 89-të, mes entuziazmit të tifozëve pogradecarë.
Një rezultat i rëndësishëm që tregon formën e lartë të ekipit dhe ambiciet për objektiva të mëdha këtë sezon. Pogradeci po dëshmon se është gati të luftojë deri në fund për rikthimin në elitën e futbollit shqiptar.
