Specialistët për Hetimin e Krimeve në Komisariatin e Policisë Korçë arrestuan në flagrancë shtetasin Reinaldo Islam, 22 vjeç, dhe filluan procedimin penal për shtetasin R. Sh., 23 vjeç, banues në Korçë, pasi: Shtetasi R. Sh për motive të dobëta, ka kanosur me një mjet prerës thikë 22-vjeçarin. Ndërsa shtetasi R. I., kishte thyer masën e sigurisë atë të “Arrestit në shtëpi”, të caktuar nga Gjykata Korçë.
Gjithashtu u referuan materialet në Prokurori, ku filloi procedimi penal për shtetasit E. B., 44 vjeç, dhe A. B., 41 vjeç, banues në Korçë, pasi dyshohet se kanë goditur me pëllëmbë një 15- vjeçar, për motive të dobëta.
Specialistët e Sektorit të Qarkullimit Rrugor referuan materialet në Prokurori, ku filloi procedimi penal për një 17-vjeçar, pasi u kap duke drejtuar automjetin pa leje drejtimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
—–
