Korçë – Në vijim të informacionit paraprak të dhënë një ditë më parë për aksidentin e ndodhur në aksin rrugor “Korçë–Pogradec”, në fshatin Sovjan, specialistët e Sektorit të Qarkullimit Rrugor arrestuan në flagrancë shtetasin B. M., 44 vjeç, banues në Korçë.
Nga veprimet hetimore rezulton se 44-vjeçari, duke drejtuar automjetin, ka aksidentuar shtetasin H. F., 78 vjeç, banues në fshatin Sovjan, i cili lëvizte me biçikletë. I dëmtuari vijon të ndodhet nën kujdesin e mjekëve.
Ndërkohë, shërbimet e Komisariatit të Policisë Pogradec arrestuan në flagrancë shtetasin D. R., 32 vjeç, banues në Pogradec, pasi dyshohet se ka ushtruar dhunë fizike ndaj babait të tij.
Gjithashtu, shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasit:
•K. T., 41 vjeç dhe I. T., 45 vjeç (kushërinj), banues në fshatin Vithkuq, pasi dyshohet se janë konfliktuar fizikisht me njëri-tjetrin për motive të dobëta;
•A. I., 29 vjeç, banues në fshatin Mborje, pasi dyshohet se ka vjedhur disa sende në kishën e fshatit;
•R. M., 62 vjeçe, banuese në Korçë, pasi dyshohet se, për motive të dobëta, ka dëmtuar derën e banesës së shtetases R. Xh., 39 vjeçe, si dhe e ka kanosur këtë të fundit me sende të mprehta dhe të forta.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
