Specialistët për Hetimin e Krimeve të Komisariatit të Policisë Korçë arrestuan në flagrancë shtetasit:
A. D., 48 vjeç, banues në fshatin Porodinë, pasi dyshohet se ka ushtruar dhunë ndaj babait të tij, i cili u pajis me urdhër mbrojtjeje;
A. D., 44 vjeç, banues në Korçë, pasi dyshohet se për motive të dobëta, ka goditur me grusht një 55-vjeçar, i cili po merr mjekim në spital.
Specialistët e Sektorit të Qarkullimit Rrugor referuan materialet në Prokurori, ku filloi procedimi penal për shtetasin B. L., 43 vjeç, banues në Maliq, pasi automjeti që drejtonte është përplasur me automjetin me drejtues shtetasin E. Ç., 64 vjeç, banues në Korçë. Si pasojë është dëmtuar lehtë 64-vjeçari.
Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasin S. T., 32 vjeç, banues në Korçë, pasi gjatë kontrollit në automjetin e tij janë konstatuar disa mallra, pa fatura shitjeje.
Specialistët për Hetimin e Krimeve të Komisariatit të Policisë Devoll referuan materialet në Prokurori, ku filloi procedimi penal për shtetasin D. D., 35 vjeç, banues në Korçë, pasi nuk i është bindur urdhrit të punonjësit të Policisë, për të paraqitur dokumentacionin e mjetit.
Specialistët për Hetimin e Krimeve të Komisariatit të Policisë Maliq referuan materialet në Prokurori, për vlerësim, pasi më datë 25.07.2025, në fshatin Strelcë, ka rënë zjarr dhe janë djegur rreth 10 ha me kullota dhe dru halorë. Nga veprimet e para hetimore dyshohet se zjarri ka rënë nga një shkëndijë elektrike në një shtyllë të tensionit të lartë që ndodhet aty.
Specialistët për Hetimin e Krimeve të Komisariatit të Policisë Kolonjë referuan materialet në Prokurori, për vlerësim, pasi më datë 28.07.2025, në fshatin Tac, për shkaqe natyrore, ka rënë zjarr në një sipërfaqe toke me bimësi.
Devoll/Më datë 27.07.2025, në vendin e quajtur “Ura e Trenit”, ka rënë zjarr në një sipërfaqe toke me pemë frutore. Po punohet për të përcaktuar shkakun e rënies së zjarrit.
Më datë 27.07.2025, në vendin e quajtur “Bunkeri”, dyshohet se është tentuar të digjet me lëndë piroteknike, një automjet i parkuar, në pronësi të shtetasit M. B., 33 vjeç, banues në Bilisht. Po punohet për identifikimin dhe kapjen e autorit/ve.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë,për veprime të mëtejshme.
