Bllokimi i rrugës Prrenjas-Librazhd ka sjellë shtyrje në masë të seancave gjyqësore për qytetarët korçarë të cilët duhet të paraqiten në kryeqytet apo edhe për avokatët të cilët duhet të paraqiten pranë Gjykatës së Rrethit Gjyqësor të Korçës.
Avokati Kristi Koçibelli tregon se rruga alternativë nuk plotëson kushtet e sigurisë për të transportuar të burgosurit ndërsa seancat gjyqësore po shtyhen
“jemi informuar se gjithë kjo problematikë e shkatërrimit të rrugës ka sjellë probleme sa i përket seanca gjyqësore. Në shumicë e rasteve për gjyqtarët që vijnë nga zona të tjera seancat janë shtyrë dhe gjykata ende nuk ka një qëndrim sesi do procedohet. Të arrestuarit tek IEVP Korçë që zhvillojnë seanca në gjykata e apelit, u pa mundësohet shkuarja per shkak të largësisë. Sipas burimeve nga drejtoria e burgjeve kjo rrugë nuk plotëson kushtet e sigurisë ”
Për avokaten Entela Dvorani, mbyllja e rrugës sjell një tjetër dëm tek qytetarët, duke sjellë vonesa dhe peripeci pafund për ta.
“Të mendoni që në këto 4 vite, gjykata u mbyll, administrativja dhe penalja shkuan në Tiranë, ne nuk po bëjmë një seance. Para dy ditësh ka ndërruar një kliente e imja, ka ndërruar 4 gjyqtarë dhe nuk është bërë një seancë. Sot avokati kundërshtar nuk erdhi, kisha gjykim esencial qe vinte gjyqtari nga Gjirokastra. Njëri nga avokatët mungonte. Kjo vonesë, veçmas rruga që u shtua, është dëm i madh i korçareve dhe korçarët si flejne ”
Bllokimi i rrugës Prrenjas-Librazhd ka sjellë probleme jo vetëm në jetën sociale dhe ekonomike të juglindjes por edhe atë gjyqësore
