Bashkia Pogradec, në bashkëpunim me Emergjencat Civile, ka nisur shpërndarjen e paketave me ndihma ushqimore për familjet e prekura nga përmbytjet.
Vetëm në qytetin e Pogradecit do të trajtohen me paketa ushqimore 62 familje, banesat e të cilave kanë pësuar dëme të konsiderueshme si pasojë e vërshimeve të ujit.
Ndërkohë, sipas Dritan Babasulit, Sekretar i Përgjithshëm i Bashkisë Pogradec, në fshatin Rëmenj janë evakuuar 6 familje, të cilat do të përfitojnë bonus qeraje nga bashkia deri në momentin që banesat e tyre të rikonstruktohen dhe të bëhen sërish të banueshme.
Bilanci paraprak i dëmeve:
Janë prekur rreth 62 banesa
Janë evakuuar 6 familje
Janë dëmtuar 7 ura
Janë përmbytur 5 ha tokë
