Banorët që jetojnë përgjatë lumit të Vërdovës e që në raste shirash të shumtë përballen me përmbytje kërkojnë që përmes investimit ti jepet një zgjidhje përfundimtare kësaj problematike më shumë se 30 vjeçare. Një pjesë e tyre janë grumbulluar në zonën ku në reshjet e para disa muajve ka pasur shembje të rrugës duke kërkuar ndërtimin e argjinaturës së lumit i cili bëhet shkak për dëme në banesat e tyre. Ata kundërshtojnë një projektide të bashkisë Pogradec që synon ndërtimin krahas agjinaturës edhe të një trotuari 1.5 m të gjerë për kalimin e banorëve duke eleminuar një pjesë të madhe të urave mbi lumë, që cilësohen si pengesë për lumin.
“problemi jonë është sistemimi i lumit, kemi një jetë të tërë e nuk po merr zgjidhje. Jo po 1.5m etj etj, nuk na duhen këto, na shtro rrugën. Si do kaloj unë në ato 1.5 m në shtëpi me njerëz të sëmurë e të paralizuar? Urat të ngelen e komunikojne me rrugën kryesore. Na sistemoni lumin. Tjetri ka token traktorin ”
” Kemi 30 vite qw vuajnë më këtë punë. Ajo që bëhet të bëhet e saktë. Lumi është një copë mur aty një copë këtu. Të rregullohet fundi e të ketë urë të komunikojmë. Na u prishën urat, nuk hyjmë dot në shtëpi. ”
” problemi jonë është se lumi të forcohet e të bëhet I fortë. Ambulancën e duam tek dera, e kundërshtojmë se duan të hyjnë 1.5 meter, Nuk Jemi dakord. ”
Sipas Fatmir Hamollit përfaqësues i bashkisë Pogradec, kjo është një zgjidhje që propozohet nga bashkia për ti dhënë zgjidhje situatës në këtë lumë, zgjidhje që sipas tij më pas do ti hapë rrugë legalizimit të banesave të ndërtuara pa leje nga banorët shumë pranë këtij lumi problematik. Hamolli tha se është propozuar rrugë kalimi 1.5 m pasi nëse do të zgjerohet në 3 m do të preken banesat e banorëve, ndaj kërkoi që të arrihet në një kërkesë të përbashkët nga të gjitha familjet që preken.
“problemi tek ju është për shkak të projektit. Të gjithë jeni në proces legalizimi. Nuk është legalizuar. Që të legalizohet duhet të jetë 8 Meter larg nga buza E lumit. Do ndërhyjë me bashkia, do lihet nga buza e lumit 1.5 Metër. Do duhet 1.5 metër. Kur të mbarojë projekti, do azhornohet e do legalizoheni e merrni cerefikaten pronësise.”
Të paktën në 10 vitet e fundit, lumi i Vërdovës është bërë disa herë i rrezikshëm duke përmbytur banesa si pasojë se rrjedha e tij ka devijime dhe disa ura të ulta që bëhen shkak për bllokim të rrjedhës.
