Festa e Birrës në Korçë për 5 ditë me radhë solli një bum turistësh dhe vizitorësh, duke gjallëruar qytetin dhe ekonominë lokale. Vetëm në terminalin e qytetit, çdo ditë u regjistruan mbi 7 mijë hyrje, duke e çuar numrin total të vizitorëve mbi 50 mijë gjatë gjithë aktivitetit.
Pavarësisht fluksit të lartë, falë menaxhimit dhe angazhimit të Policisë së Shtetit në Korçë, festa u zhvillua pa asnjë incident. Siguria, rendi dhe organizimi i shkëlqyer e shndërruan këtë edicion në një model për menaxhimin e aktiviteteve masive, duke garantuar që qytetarët dhe turistët të shijonin atmosferën festive vetëm me argëtim e gëzim.
