Specialistët e Sektorit të Qarkullimit Rrugor arrestuan në flagrancë shtetasin M. D., 21 vjeç, banues në Korçë, pasi u kap duke drejtuar automjetin në gjendje të dehur.
Gjithashtu, referuan materialet në Prokurori, ku filloi procedimi penal për shtetasit:
O. K., 30 vjeç, banues në Spanjë, pasi në fshatin Borovë, Ersekë, ka humbur kontrollin mbi motomjetin që drejtonte dhe si pasojë është dëmtuar lehtë vetë 30-vjeçari.
E. D., 35 vjeç, dhe R. H., 20 vjeç, banues në Pogradec, pasi në qytetin e Pogradecit, automjeti që drejtohej nga 35-vjeçari është përplasur me një monopatinë që drejtohej nga 20-vjeçari, ku si pasojë e përplasjes është dëmtuar lehtë shtetasi R. H.
Shërbimet e Komisariatit të Policisë Maliq referuan materialet në Prokurori, ku filloi procedimi penal për shtetasin K. D., pasi u kap duke kryer punime ndërtimi pa leje.
Specialistët për Hetimin e Narkotikëve referuan materialet në Prokurori, ku filloi procedimi penal për shtetasin J. K., 31 vjeç, banues në Korçë, pasi gjatë kontrollit fizik iu gjet dhe u sekuestrua një sasi lënde narkotike e dyshuar kokainë.
Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasin K. Sh., 58 vjeç, banues në fshatin Drenovë, pasi dyshohet se administronte një lokal të paregjistruar në organet kompetente.
