Doug, hera e parë në Shqipëri?
-Hera e dytë. Të parën vizitë e kam bërë në vitin 1995. Kam qënë në Korçë.
Çfarë ka ndryshuar në këto 30 vite?
-Burrat tani ecin dorë për dore me gratë. Atëherë mbaj mend kishin turp ta kapnin bashkëshorten e tyre për dore
Pse erdhe përsëri në Shqipëri?
-Ma sugjeroi bashkëshortja
Gruaja jote e pëlqen Shqipërinë?
-Po, të dyja gratë e mia e kanë dashur Shqipërinë
Si të dyja gratë?
-Unë jam martuar 3 herë. Hera e fundit, vitin e kaluar. Herën e parë erdha me gruan e dytë. Gruaja e parë lexonte për Shqipërinë por nuk erdhi kurrë
Sa vjeç je ti?
-71. 70 vjeç u martova për herë të tretë. E dua jetën. Më pëlqejnë aventurat. Nuk e vras mendjen çfarë thonë njerëzit. Jam i qetë me Zotin
Çfarë do marrësh nga Shqipëria për në Amerikë?
-Kujtimet. Krijoj kujtime. Njerëz mikpritës e ushqim fantastik. Dhe pyesin shumë, si ti
Unë e kam punë, jam gazetar.
-Edhe unë këtë punë kam në këtë jetë, të jem i lumtur
Tani që je në “picën e fundit” të jetës, çfarë mendon se është jeta?
-Çelësi për diçka tjetër. Kush e kupton çelësin, është përherë i lumtur, si unë…
