Korça ka përjetuar mbrëmë një prej netëve më të ngarkuara të sezonit, me qytetin që është mbushur plot nga vizitorët dhe pjesëmarrësit e Festës së Birrës.
Fluksi i madh i njerëzve është ndjerë edhe në bizneset e shërbimit. Restorante të njohura në qytet, mes tyre Birra Korça, Panda dhe Proper Pizza, kanë pasur vështirësi të gjenin vende të lira për klientët.
Situata ka qenë e tillë që edhe rezervimet kanë tejkaluar kapacitetet. Në disa ambiente, klientët janë detyruar të presin jashtë për të gjetur një tavolinë të lirë.
Festa e Birrës, një prej eventeve më të rëndësishme turistike të Korçës, duket se po i jep qytetit një tjetër hov gjatë këtyre ditëve, duke sjellë mijëra vizitorë dhe duke rritur ndjeshëm aktivitetin e bizneseve lokale.
Korça mbrëmë nuk kishte thjesht festë. Qyteti ishte i mbushur plot.
