Bashkia e Maliqit rrezikon shkrirjen me hartën e re territoriale, thonë burime brenda ekspertëve që po e hartojnë nga grupi parlamentar i Partisë Socialiste.
Sipas propozimit që do të shkojë në parlament në datën 23 Korrik, socialistët do të kërkojnë shkrirjen e bashkisë së Maliqit dhe copezimin e saj në 3 pjesë.
Sipas planit, njësia administrative e Moglices do i kalojë bashkisë së Gramshit, njësia administrative Pirg pritet t’i kalojë bashkisë së Pogradecit ndërsa të tjerat do të bashkohen bashkisë së Korçës.
Ende asgjë nuk është zyrtare, por të njëjtat burime thonë se deri më tani, ky është propozimi në letër që do të shkojë në parlament pas disa ditësh.
Një gjë e tillë mendohet të jetë pritur me kundërshti nga ana e deputetëve të juglindjes dhe kreut politik Niko Peleshi, i cili ka kërkuar që asnjë bashki në juglindje të mos ndryshojë statusin e saj.
Pritet për t’u parë sa i fortë do të jetë presioni i të zgjedhurve socialistë në parlament, të cilët qartë janë shprehur kundër kësaj ideje, ndërsa përveç bashkisë Maliq, asnjë bashki tjetër nuk rrezikon shkrirjen
