Një 21-vjeçare ka denoncuar një rast të ngacmimit seksual në spitalin e Korçës. Për pasojë ditën e djeshme është arrestuar dhe pezulluar nga detyra kirurgu N. Nunka.
Gjyshja e të resë, ka rrëfyer momentet se si ka ndodhur ngjarja.
Ajo u shpreh se mjeku ka puthur mbesën në sy të saj, por kur ka hasur në reagimin e saj të menjëhershëm, ka tentuar ta minimizojë situatën duke I kërkuar të mos e bëjë të madhe duke qenë se kjo do t’i kushtonte vendin e punës.
“Çupa më thoshte më dhemb barku dhe stomaku. E çova të bënte analizat dhe më tha prisni këtu. Vajzës i dhimbte stomaku nuk duronte dot. Analizat i dolën keq dhe mjeku më tha që ka apendicit. Më tha që duhet të bënte një ilaç që nuk gjendej, por ai e kishte dhe do ta bënte për nderin tonë. Nëna t’i ktheje kokën tha sepse i vjen rëndë vajzës. Dhe i afrohej vajzës. Një infermiere që sillte ushqimet më tha me kë doktor e ndiqni vajzën, dhe kur i thash emrin më tha: Nuk është i mirë. Vajza më thoshte: Nëna kam frikë.
Ai qen të më ngacmojë mua mbesë, vajti e zuri e shtrëngoi dhe e puthi. Isha vetë prezente. Kur iu “hodha në grykë” më tha mos e bëj të madhe se do të më heqin nga puna”, tha ai.
