Në takimin e sotëm të kryeministrit të Maqedonisë së Veriut Mitskovski, me rastin e inaugurimit të obeliskut dedikuar personave pjesëmarrës në luftën e dyte botërore është ekzekutuar vetëm himni i vendit fqinj ndërsa nuk është ekzekutuar himni shqiptar, ashtu siç e kërkon protokolli.
Gjithashtu, fjala e Hristijan Mickoski në gjuhën maqedonase nuk është përkthyer në shqip.
Po ashtu, përgjatë gjithë rrugës hyrëse në fshatin Kallamas si dhe në pjesën më të madhe të dekorit mungonin flamurët shqiptarë. Në të vetmin vend ku krahas dhjetërave flamurve maqedonas ndodheshin dy flamur shqiptar, ishte pranë obeliskut pranë pjesëmarrësve në luftën e dyte botërore.
Nga ana tjetër, zyra e shtypit të kryeministrit maqedonas u ka bërë me dije gazetarëve shqiptare se kryeministri nuk ishte i gatshëm të përgjigjej pyetjeve të tyre.
Ka rënë në sy mungesa e fjalës së rastit nga kryetari i bashkisë Pustec Pali Kolefski, i pranishëm aty, ndërkohë protokolli i kryeministrit maqedonas ja ka lejuar një gjë të tillë ish kryetarit të komunës Pustec Edmond Themelko.
