Strukturat e Drejtoria Vendore e Policisë Korçë vijojnë kontrollet dhe goditjen e paligjshmërisë, duke arrestuar dhe proceduar disa shtetas për vepra të ndryshme penale.
Specialistët për Hetimin e Krimeve të Komisariatit të Policisë Korçë arrestuan në flagrancë shtetasin Xh. M., 45 vjeç, pasi dyshohet se ka ushtruar dhunë ndaj bashkëshortes së tij, e cila është pajisur me urdhër mbrojtjeje.
Po në Korçë, u referuan materialet në Prokurori dhe nisi procedimi penal ndaj shtetasit A. D., 61 vjeç, i dyshuar për vetëgjyqësi, pasi ka thyer me gurë xhamat e banesës së kushëririt të tij. Ndërkohë, procedim penal nisi edhe për një 16-vjeçar, i cili dyshohet se është konfliktuar fizikisht me një bashkëmoshatar për motive të dobëta në lagjen nr. 7.
Nga Specialistët e Seksionit për Hetimin e Krimeve Ekonomiko-Financiare u referuan materialet për shtetasin B. D., 39 vjeç, administrator i një subjekti që operon në tregtimin e lëndëve drusore. Në bulevardin “Rilindasit”, u kap një shtetas duke transportuar dru pa dokumentacionin përkatës dhe rezultoi se nuk ishte i regjistruar si punonjës i subjektit. Lënda drusore dhe automjeti u sekuestruan si provë materiale.
Ndërkohë, specialistët e Komisariatit të Policisë Pogradec referuan materialet në Prokurori dhe nisën procedimin penal për shtetasin S. S., 65 vjeç, pasi u konstatua duke kryer punime ndërtimi pa leje.
Materialet procedurale i janë referuar Prokurorisë së Korçë për veprime të mëtejshme.
