Për të shtatin vit radhazi, qyteti i Ersekë mirëpriti festën e Dita e Verës me një organizim të veçantë dhe plot gjallëri nga vetë banorët.
Nga qytetarët e zakonshëm te grupet artistike dhe amvisat kolonjare, të gjithë u bënë pjesë e festës, duke i dhënë sheshit një atmosferë tradicionale dhe festive.
Amvisat e zonës sollën për vizitorët gatimet tipike të kësaj dite, duke e kthyer festën në një lloj ekspozite të shijeve karakteristike të Kolonjë. Sipas tyre, në tryezën e Ditës së Verës nuk mund të mungojnë kulaçi, vezët e ziera, veroret dhe ëmbëlsirat e ndryshme, të cilat përgatiten sipas traditës së vjetër të zonës.
“Janë tradita që i kemi trashëguar nga nënat tona. Bëjmë verore të bardhë me pe të kuq dhe ua vendosim në duar edhe fëmijëve. Përgatisim kulaç, petanik, vezë të kuqe, misra të zier dhe shumë gatime të tjera. Dikur ishte traditë që kush të çohej më herët në mëngjes t’i çonte komshiut kulaçin”, shprehen amvisat kolonjare.
Ato tregojnë se për këtë festë përgatiten edhe vezë të ziera, kulaç, ëmbëlsira, si dhe ndahen mes lagjeve fruta, lajthi, karamele, portokalle e mollë.
Ndërkohë, kryetari i Bashkia Kolonjë, Erion Isai, thekson se aktivitetet e organizuara për këtë festë sjellin gjallëri dhe atmosferë festive në sheshin “Rilindja”.
“Edhe pse ndonjëherë thuhet se nuk ka njerëz, rrjetet sociale tregojnë të kundërtën. Dita e Verës është një festë që buron nga tradita dhe jo nga komercialiteti. Është një festë pagane e festuar ndër shekuj mes traditave fetare dhe atyre popullore. Uroj që shqiptarët të kenë shëndet, begati dhe qetësi”, u shpreh ai.
Dita e Verës është festuar në mënyrë spontane edhe në qytete të tjera të juglindjes së vendit, si dhe në pjesën më të madhe të fshatrave të zonës, ku banorët kanë ruajtur traditat e kësaj feste të hershme shqiptare.
