Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin E. Ç., 34 vjeç, banues në Pogradec, pasi në lagjen nr. 5 të qytetit, gjatë një konflikti për motive të dobëta me shtetasit E. A., 31 vjeç, banues në fshatin Hudënisht dhe I. B., 52 vjeç, banues në Pogradec, dyshohet se ka dëmtuar me mjet të mprehtë shtetasin I. B.
Gjatë kontrollit fizik, 34-vjeçarit iu gjetën një thikë dhe një send tjetër i mprehtë (gërshërë), të cilat u sekuestruan në cilësinë e provës materiale.
Ndërkohë, specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin P. M., 62 vjeç, banues në fshatin Liqenas, Bashkia Pustec, pasi dyshohet se ka ushtruar dhunë fizike ndaj djalit të bashkëshortes së tij. Po punohet për kapjen e tij.
Materialet procedurale iu referuan Prokurorisë së Korçës për veprime të mëtejshme.
