Autoritetet e Maqedonia e Veriut kanë njoftuar, nëpërmjet Qendrës së Shkëmbimit të Informacionit, se prej orës 10:00 të ditës së sotme është lejuar lëvizja e mjeteve të tonazhit të rëndë (kamionë) drejt Pikës së Kalimit Kufitar Bllatë, në territorin e Maqedonisë së Veriut.
Kamionët do të lejohen të qarkullojnë me të njëjtin regjim tranziti dhe dokumentacion. Gjithashtu, edhe mjetet që janë zhdoganuar do të lejohen të kalojnë; në rastet kur konstatohet dëmtim i plumbosjes, ato do të ripajisen me plumba të rinj.
Ndërkohë, specialistët për Hetimin e Krimeve në DVKM Korçë referuan materialet në Prokurori, ku nisi procedimi penal për veprën penale “Kontrabanda me mallra të tjera” ndaj shtetasit N. Sh., 65 vjeç, banues në Bilisht. Ai u konstatua në aksin rrugor “Kapshticë–Bilisht” duke drejtuar një automjet, në të cilin gjatë kontrollit u gjetën disa pajisje elektroshtëpiake të përdorura, të dyshuara si të kontrabanduara. Automjeti dhe pajisjet u sekuestruan në cilësinë e provës materiale.
Po ashtu, nisi procedimi penal për veprën penale “Kalimi i paligjshëm i kufirit shtetëror” ndaj shtetasit B. M., 41 vjeç, banues në fshatin Shkallë, Mat, pasi dyshohet se ka kaluar ilegalisht në Greqi.
Materialet procedurale iu referuan Prokurorisë së Korçë për veprime të mëtejshme.
Gjithashtu, nga shërbimet e patrullës së Stacionit të Policisë Kufitare Kapshticë, në afërsi të fshatrave Trestenik dhe Vidohovë, Devoll, u kapën 2 migrantë të parregullt, të cilët u trajtuan me urdhër largimi vullnetar nga territori i Republikës së Shqipërisë.
