Strukturat e Drejtorisë Vendore të Policisë Korçë vijojnë kontrollet dhe goditjet ndaj paligjshmërive në qark, duke arrestuar dhe proceduar disa shtetas për vepra të ndryshme penale.
Shërbimet e Sektorit të Qarkullimit Rrugor arrestuan në flagrancë shtetasin J. K., 33 vjeç, banues në SHBA, pasi u kap duke drejtuar automjetin në gjendje të dehur.
Specialistët për Hetimin e Narkotikëve referuan materialet në Prokurori, ku nisi procedimi penal për shtetasin Xh. K., 30 vjeç, banues në fshatin Sheqeras, Maliq, pasi në lagjen nr. 17, Korçë, gjatë kontrollit fizik iu gjet një sasi e vogël lënde e dyshuar narkotike Cannabis Sativa.
Specialistët për Hetimin e Krimeve të Komisariatit të Policisë Korçë referuan materialet në Prokurori, ku filloi procedimi penal për disa shtetas:
- D. K., 37 vjeç, banues në Korçë, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje;
- J. M., 30 vjeç, banues në Korçë, pasi dyshohet se, gjatë kohës që ka qenë i punësuar si shofer taksie në një subjekt për ofrimin e këtij shërbimi, ka përvetësuar një shumë parash;
- E. L., 51 vjeç dhe S. N., 43 vjeç, banues në Korçë, pasi në lokalin ku ndodheshin, në lagjen nr. 10, gjatë kontrollit të celularëve të tyre u konstatuan faqe për baste sportive. Në cilësinë e provës materiale u sekuestruan 3 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
