Marrëveshja për zbatimin e sistemit “One Stop” në pikën kufitare Qafë Thanë është nënshkruar një ditë më parë mes ministres së Brendshme të Shqipërisë, Albana Koçiu, dhe ministrit të Brendshëm të Maqedonisë së Veriut, Pançe Toshkovski.
Kjo marrëveshje i jep fund radhëve të gjata në të dy anët e kufirit, një problem i përsëritur dhe i raportuar dhjetëra herë gjatë sezonit veror, kur fluksi i lëvizjeve rritet ndjeshëm.
Sistemi “One Stop” do të funksionojë me një kontroll të vetëm në hyrje dhe një kontroll në dalje, çka do të shkurtojë ndjeshëm kohën e pritjes dhe do të lehtësojë qarkullimin e mjeteve dhe udhëtarëve në këtë pikë kufitare.
Zbatimi i kësaj marrëveshjeje pritet të përmirësojë ndjeshëm lëvizjen ndërkufitare në Qafë Thanë sidomos gjatë muajve të verës.
