Drejtoria Vendore e Policisë Korçë bën me dije se specialistët për Hetimin e Krimit kanë referuar materiale në Prokurori, ku ka nisur procedimi penal për disa shtetas, për vepra të ndryshme penale.
Komisariati i Policisë Korçë
- O. B., 45 vjeç, banues në fshatin Kuç i Zi, Korçë, dyshohet se ka ushtruar dhunë fizike dhe psikologjike ndaj bashkëshortes së tij, e cila është pajisur me urdhër mbrojtjeje.
- L. R., 66 vjeç, banues në Korçë, dyshohet se ka kryer veprime të turpshme dhe ka kanosur me thikë një 31-vjeçare në dyqanin e saj.
Komisariati i Policisë Pogradec
- D. Xh., 30 vjeç, banues në fshatin Vërdovë, Pogradec, u kap në aksin rrugor “Pogradec–Korçë”, pranë fshatit Gështenjas, duke transportuar me kamionçinë një sasi lënde drusore pa dokumentacion përkatës. Lënda drusore dhe mjeti u bllokuan në cilësinë e provës materiale.
- A. Gj., 25 vjeç, banues në Pogradec, dyshohet se është konfliktuar fizikisht me shtetasin R. M. në lokalin e tij, në lagjen nr. 5.
Komisariati i Policisë Kolonjë
- A. G., 63 vjeç, banues në Tiranë, dyshohet se në një pronë të përbashkët ka prerë disa trungje lisi dhe ka instaluar kamera sigurie, duke cenuar privatësinë e bashkëpronarëve. Procedimi ka nisur për veprat penale “Shkatërrimi i pronës” dhe “Ndërhyrje të padrejta në jetën private”.
Materialet procedurale i janë referuar Prokurorisë së Korçës për veprime të mëtejshme ligjore.
