Si njohëse jo e keqe e Kodit Doganor edhe e ligjit të Zonave të Lira , Durana nuk është një lajthitje juridike por një sajesë në kufijtë e marrëzisë .
Marrëzia e tejkalon sferën e korrupsionit . Një i korruptuar kujdeset të përdorë ligjin edhe proçedurën për për përfitime personale . Një i marrë është indiferent karshi ligjit, pasi ligji për të nuk ekziston . Çdo mjet , çdo sajesë që e ndihmon për të arritur qëllimin për të është është legjitime.
Durana nuk është veçse përdorimi “teknologjinë”, si doganieri për të kaluar mall kontrabandë , ajo na ofrohet si kopje e zhvillimit teknologjik, në kushtet kur nuk ekzististon fare origjinali.
Ajo është Inskenimi i realitetit i cili, redaktohet, rishkruhet dhe përpunohet në mënyrë që shoqëria plaçkitjen ta ngatërrojë me iluzionit të zhvillimit .
Parku teknologjik Durana , nuk është thjesht në aferë korruptive ( sa mirë sikur të ishte vetëm e tillë ) do ta ngushëllonim veten me frazën ” korrupsioni ekziston në gjithë botën ” , apo kumbulla e dardha të konsumuara kryesisht gratë rreth kryeministrit prapa kurrizit të tij , edhe gjithë progresistëve socialistë .
Ai është shembulli i hipernormalizim I gënjeshtrës që u lejua nga socialistët jo vetëm për përfitime ekonomike , por më keq si strategji për përmbytjen e shoqërisë me gënjeshta për të çmontuar në mënyrë sistematike infrastrukturën e fakteve.
Faktet që ne jemi një komb i cili në vitin 2024 :
1) renditet në vendin e 84 në botë në Indeksin e Teknologjisë edhe Inovacionit edhe në vendin e parafundit në Europë;
2) blen shërbimet edhe produktet e teknologjisë edhe informacionit duke zënë vendin e 66 në Europe në blerjen e imputeve teknologjike , por fatkeqësisht rradhitet në vendin e 97 në botë edhe e fundit në Ballkan prodhimin e teknologjive pra i fundit në outputin teknologjik ;
3) renditet në vendin 84 në Indeksin e Gadishmerisë së Rrjeteve teknologjike pikërisht për shkak të zhvillimit të ulët teknologjik, u çmontohen me iluzionin se
“Shqipëria është një komb që guxon të udhëheqë dhe jo të ndjekë, në ballë të shkencës dhe teknologjisë në këtë rajon”.
Djella, Durana ,marteniteti I Djellës nuk janë instrumente vetëm për të përfituar një një grup njerëzish por krijime të sajuara me kujdes që synojnë mpirjen e rebelimin tonë karshi plaçkitje jo më përmes forcës, por përmes paaftësisë së njohjes duke zbehur kufirin ndarës midis iluzionit edhe realitetit .
Nga Irena Beqiraj
