Një konflikt mes disa personave është regjistruar në lagjen nr. 7 të qytetit të Korçës. Sipas të dhënave paraprake, sherri ka ndodhur në ambientet e një lokali, ku dyshohet se një prej personave është goditur.
Pas njoftimit, shërbimet e Policisë kanë mbërritur menjëherë në vendngjarje dhe kanë shoqëruar për verifikim personin që dyshohet se ka pësuar dhunë, i cili ndodhej në gjendje të dehur, si dhe pronarin e lokalit, me qëllim sqarimin e rrethanave të ngjarjes.
Ndërkohë, policia ka nisur sekuestrimin e pamjeve të kamerave të sigurisë për identifikimin e personave të tjerë të përfshirë në konflikt. Paraprakisht dyshohet se sherri ka nisur për motive të dobëta, ndërsa hetimet vijojnë për zbardhjen e plotë të ngjarjes.
