Policia e Korçës ka referuar në Prokurori materialet për fillimin e procedimit penal ndaj shtetasit N. T., 46 vjeç, për kanosje ndaj dy personave, si dhe ndaj dy 16-vjeçarëve në Pogradec, për shpërndarje fotosh të një bashkëmoshatareje në rrjetet sociale.
Gjithashtu, janë referuar materialet ndaj shtetasve T. Z. (50 vjeç), E. Ç. (22 vjeç) dhe P. B. (35 vjeç) për “Kalimi të paligjshëm të kufirit”.
Në Pogradec, punonjësi i policisë T. Ç., 48 vjeç, kallëzoi vjedhjen e armës së shërbimit nga banesa e tij. Vijon puna për identifikimin e autorëve.
Në Korçë, në një farmaci, ka humbur jetën për shkaqe të dyshuara natyrale shtetasi G. Gj., 78 vjeç.
Reagim:
Sa i përket videos së publikuar për aksidentin në aksin “Korçë–Pogradec”, sqarojmë se ngjarja ka ndodhur më 16.11.2025. Patrulla e Policisë Rrugore ka kryer të gjitha veprimet procedurale dhe ka ndëshkuar me masë administrative drejtuesin që shkaktoi aksidentin, pasi nuk mbajti distancën e sigurisë.
