Sipas Amanda Cicit, drejtoreshë e trashëgimisë kulturore në qarkun e Korçës ky status i ri ndërthur trashëgiminë kulturore, natyrore dhe bashkëjetesën komunitare
“Ansambël Arkitektonik Urban është statusi me I fundit për fshatin Lin, një dëshmi e rrallë me vlerat unikale që përfaqëson ky fshat. Përfitimin për fshatin Lin në ruajtjen e trashëgimisë së ndërtuar, promovimin dhe zhvillimin e qëndrueshëm për vlerat që ai mban, vlerat kulturore. Ka qenë një nga kërkesat e UNESCO për ta ruajtur trashëgimine e fshatit, shprehine e ndërtimeve të gurit. Normalisht kriteret e ndërtimit janë më të kufizuara në ruajtjen e gurit, kompozimit të ndërtesës. Në rastin e investimeve të mëdha do kërkohet shprehje e mendimit nga UNESCO ”
Froseda Tole, një nga arkeologet që e njeh më së miri këtë fshat tregon se ky status çon në një hap me tej Linin, duke përfshirë dhe gjetjet arkeologjike të zonës
” E gjithë zona e fshatit Lin, siç u shpall Ansambël Arkitektonik, do e quaja Ansambël arkeologjik pasi ka site arkeologjike nga prehistoria deri në mesjete, ku xhevahiri kryesor është Bazilika e Linit. Është një nga monumentet me të mirë mbajtura me mozaiket e veta. Duhet thënë se palafitet janë shpallur zonë arkeologjike a, pra mbrojtje ligjore e zonës, kanë shtuar numrin e turistëve jo vetëm atje por e ne muzeun e Pogradecit, ka një pjesë të vogël ku paraqiten palafitet. ”
Statusi Ansambël Arkitektonik Urban ka qenë një nga kërkesat kryesore të UNESCO për palën shqiptare, pas debateve se liqeni i Ohrit rrezikonte të dilte nga zona e mbrojtur. Me këtë ndryshim, përmirësimi ligjor për ndërtesat por e ai promovues për sajtet Kulturore pritet të rritë ndjeshëm numrin e turistëve vendas e të huaj në këtë fshat
