Trajneri Ernest Gjoka është shumë pranë largimit nga Skënderbeu, pas një oferte të ardhur nga Partizani.
Sipas raportimeve të fundit, bëhet me dije se oferta është drejtuar si në drejtim të presidencës, ashtu edhe vetë trajnerit. Deri tani, Gjoka nuk ka dhënë një përgjigje përfundimtare, duke mos konfirmuar dhe as mohuar mundësinë e kalimit te Partizani.
Lajmi është bërë publik mbrëmjen e sotme dhe ka ngjallur interes të madh në ambientet e futbollit shqiptar. Ende nuk dihet qëndrimi zyrtar i presidentit të Skënderbeut, Ardjan Takaj, në lidhje me këtë zhvillim. Në rast se marrëveshja konkretizohet, Gjoka do të rikthehej në stolin e një prej klubeve më të njohura në vend.
Ndërkohë, Skënderbeu do të duhet të nisë menjëherë kërkimin për një trajner të ri. Situata pritet të qartësohet në orët ose ditët në vijim.
