Në Korçë u zhvillua një takim me punonjësit e drejtorive rajonale të institucioneve të varësisë së Ministrisë së Bujqësisë dhe Zhvillimit Rural, ku u diskutua hapur mbi sfidat që po kalon bujqësia në qarkun e Korçës dhe mundësitë për ta bërë këtë sektor më konkurrues e të qëndrueshëm.
Gjatë takimit u theksua rëndësia e bashkëpunimit të ndershëm dhe përkushtimit profesional të ekipeve në terren për të rritur sigurinë ushqimore dhe cilësinë e shërbimeve ndaj fermerëve, si pjesë e rrugëtimit drejt integrimit në Bashkimin Europian.
Ndër problemet kryesore që vijojnë të shqetësojnë fermerët korçarë janë mungesa e tregjeve të qëndrueshme për produktet bujqësore, sidomos për mollët dhe patatet, si dhe kostot e larta të inputeve bujqësore dhe mungesa e subvencioneve të mjaftueshme për mbështetje gjatë sezonit të punimeve.
Në fund, u shpreh mirënjohje për të gjithë punonjësit që çdo ditë kontribuojnë me përkushtim në forcimin e bujqësisë shqiptare
