Për herë të parë në këtë vit akademik, në Fakultetin e Bujqësisë të Universitetit “Fan S. Noli” në Korçë, çelet programi i ri i studimeve të ciklit të dytë: Master Shkencor në Shkencat Bujqësore.
Përgjegjësi i Departamentit të Agronomisë, Adrian Maho, u shpreh se interesi për këtë program është i lartë, por numri i studentëve do të kufizohet vetëm në 15, çka është përcaktuar nga kapacitetet e trupës akademike.
Sinkron
Ky master është rezultat i një pune disa vjeçare. Na janë dashur pesë vite për të studiuar tregun e punës dhe për të përcaktuar nevojat reale të sektorit. Në program mund të regjistrohen jo vetëm studentët e Fakultetit të Bujqësisë, por edhe ata që kanë përfunduar bachelor në fakultete të tjera, tha Maho.
Sinkron
Fakulteti i Bujqësisë është një nga hallkat më të rëndësishme të Universitetit të Korçës. I hapur në vitin 1971, ai numëron sot 11 programe studimi dhe vazhdon të mbetet një pikë referimi për zhvillimin e arsimit dhe shkencës bujqësore në Shqipërinë Juglindore.
