Diten sotme ne Universitetit “Fan S. Noli” në Korçë ka nisur procesi i regjistrimit në programet e studimit ku janë shpallur pranues. Regjistrimet zhvillohen nën asistencën e stafit akademik dhe administrativ të universitetit, duke u garantuar maturantëve mbështetje gjatë gjithë procedurës.
Sipas njoftimit zyrtar, regjistrimet do të vijojnë nga data 29 gusht deri më 11 shtator 2025, duke u organizuar në 7 faza 48-orëshe. Çdo maturant i shpallur fitues në portalin U-Albania, në seksionin “Këndi i Maturantit” (ku programi i studimit shfaqet me ngjyrë jeshile), ka në dispozicion 48 orë kohë për të kryer regjistrimin.
Procesi i regjistrimit kryhet në katin e parë të Fakultetit të Ekonomisë. Autoritetet universitare kujtojnë se në rast se kandidati nuk përfundon regjistrimin brenda afatit 48-orësh, e drejta e tij për t’u regjistruar në atë program studimi pezullohet.
Universiteti “Fan S. Noli” mbetet një nga qendrat kryesore të arsimit të lartë në juglindje të vendit, duke ofruar programe të shumta studimi dhe duke tërhequr çdo vit qindra maturantë nga Korça, Devolli dhe më gjerë.
