Detaje të reja kanë dalë nga dëshmia që 26-vjeçarja Emanilda Rama ka dhënë para hetuesve pas arrestimit të saj si e dyshuar për vrasjen e babait Anesti Rama, mbrëmjen e djeshme në fshatin Frashër të Fierit.
Në dëshminë e saj në polici, e reja ka pranuar krimin duke deklaruar se babai i saj ishte fanatik dhe nuk e lejonte të dilte e të vishej si ajo donte.
Në këtë krim makabër në familje, policia thotë se me vajzën ka bashkëpunuar dhe e ëma, V. R., 53 vjeçe, duke tentuar të pengojnë zbulimin e së vërtetës. Të dyja kanë pastruar trupin e 56-vjeçarit.
Pas këtyre veprimeve, 26-vjeçarja ka njoftuar Policinë.
Në përfundim të veprimeve hetimore do të ketë njoftim shtesë për përgjegjësinë penale të kësaj shtetaseje.
