Kriza në radhët e Partisë së Lirisë në Korçë duket se thellohet dita-ditës. Pas largimit të Sanjel Skenderas dhe Suela Dinellarit, një tjetër emër i njohur i kësaj partie ka dhënë dorëheqjen nga të gjitha funksionet.
Ismeralda Seidolli, një nga zërat më të fortë të PL-së në Korçë, ka vendosur të largohet përfundimisht nga angazhimi politik në këtë forcë. Ajo ka depozituar dorëheqjen edhe nga posti i këshilltares në Këshillin Bashkiak të Korçës.
Burime pranë kësaj partie konfirmojnë se pas largimit të Seidollit, Partia e Lirisë është praktikisht në shkrirje të strukturave lokale në qytetin e Korçës. Prej muajsh kjo forcë politike është përballur me largime të njëpasnjëshme dhe një rënie drastike të aktivitetit në nivel lokal.
Ky është sinjali më i qartë se Partia e Lirisë në Korçë po shkon drejt zhdukjes nga skena politike vendore.
