Pas konfliktit të dhunshëm në Volorekë, ku u përfshinë disa persona, policia nisi hetimet për rastin dhe rezultoi që Jetmir Muçllari ka kryer punime ndërtimore pa lejë në një sipërfaqe toke që pretendon se është e tij, por është pjesë e sipërfaqeve të zonave të mbrojtura.
Mësohet se nga IMT e Pogradecit ishin pezulluar 1 javë më parë punimet në këtë sipërfaqe. Çështja i kaloi prokurorisë për hetime të mëtejshme.
Një përplasje për motive pronësie degradoi në përdorimin e dhunës ndodhi në Pogradec.
Në konflikt u përfshinë kryetari i fshatit Tushemisht, Ilirjan Tasellari, pronari i Hotel Voloreka, Jetmir Muçllari dhe i afërmi i tij, Johan Muçllari si dhe Prokop Pilinçi.
Dyshohet se debati nisi pas kërkesës që pronari i hotelit të lirojë hapësirat publike, në kuadër të aksionit kundër ndërtimet pa leje që po zhvillohet në të gjithë vendin.
