Një familje prej 5 antarësh në Trebinjë të Pogradecit mbeti e pastrehë pasi flakët e zjarrit përfshinë banesën e tyre mbrëmjen e të hënës. Për pasoj e gjithë banesa, bashkë me orenditë dhe çdo send personal të familjarëve u shkrumbuan. Pavarësisht ndërhyrjes së zjarrfikësve por edhe banorëve të lagjes Qosollë, banesa u sëdogj tërësisht. Fatmirësisht nga flakët masive të zjarrit nuk pati të lënduar.
Agron Qose kryefamiljari tregon se gjithçka nisi me një kërcitje në çati si pasojë e një shkëndije elektrike dhe më pas e gjithë banesa në pak sekonda u përfshi nga flakët.
Agron Qose
“Rreth orës 4, ishim në shpi brenda me gjithë gruan, dëgjuam një kërcitje por nuk ja vumë veshin, vetëm kur erdhi një komshi dhe na thirri, dilni se u dogjët. Kur për 5 minuta ra çatia përdhe, ranë tavanet dhe s’mundëm dot të shpëtojmë asgjë prej gjëje hiç. Erdhi zjarrfiksja, boti i firmës, por nuk patën mundësi të bëni shumë bile njëri zjarrfikës u aksidentua duke fikur zjarrin sepse u rrëzua kur punonte”.
Teksa të pestë antarët e familjes mbetën pa çati mbi tokë, tashmë shpresa e tyre e vetme është shteti, pasi të gjitha kursimet e tyre të jetës i kishin futur në ndërtimin e shtëpisë. Kryetari i bashkisë Pogradec Ilir Xhakolli teksa vizito familjen tha se Bashkia do të bëjë të gjitha përpjekjet ligjire për ringritjen e banesës së djegur.
Ilir Xhakolli
“Agron shyqyr që nuk ka ndodhur dëme në njerëz dhe bagëti, unë prandaj jam sot këtu me grupin e emergjencave do mbajmë shënime dëmet dhe brenda ligjit do të bëjmë të mundur që të ta ringrejmë shtëpinë të uroj gjithë të mirat, Zoti të dhëntë shëndet pasi të tjerat do të rregullohen”.
Për momentin familja Qose është duke u strehuar tek të afërmit në fshat, ndërsa kanë nevoja urgjente për veshmbathje dhe ushqime bazë.
