Korridoret e kryeministrisë kanë patur lëvizje këtë fundjavë jashtë orarit zyrtar, pasi burime të sigurta për Bufiurte.al bëjnë me dije se kryeministri Edi Rama ka vendosur të zhvillojë 4 takime ditën e shtunë, dy prej tyre me biznesmenë të cilët së shpejti do të ndërtojnë në jug një nga komplekset më të mëdha të asaj zone, ndërsa dy të tjerët me dy ish politikanë e ish zyrtarë të Partisë Demokratike.
Bufiurte.al ka mësuar se në njërin nga takimet ka marrë pjesë Majlinda Bregu, ish zyrtare e lartë e PD, ish ministre e integrimit. Se fundmi, Bregu ka mbajtur një nga rolet me të rëndësishme të Sekretariatit të Këshillit të Bashkëpunimit Rajonal (RCC), e sugjeruar nga kryeministri Rama i cili për herë të parë mesa duket po kërkon të “rrëmbejë” një ish ministre kur në pushtet ka qënë PD për ta bërë pjesë të kabinetit të tij në Shtator.
Të njëjtat burime shtojnë se Majlinda Bregut i është ofruar posti i ministres së Integrimit, një ministri që pritet të çelet në muajin Shtator, bazuar edhe mbi projeksionin e qeverisjes Shqipëria 2030, ku integrimi me BE pritet të jetë roli kyç i qeverisjes së ardhshme
Mesa duket, zonja Bregu do të shijojë pushimet e qeta këtë sezon veror, pasi mundësitë që të jetë në krye të njërës prej ministrive me të rëndësishme është tanimë histori e mbyllur
