Specialistët e Sektorit të Qarkullimit Rrugor arrestuan në flagrancë shtetasin I. C., 46 vjeç, banues në Korçë, pasi u kap duke drejtuar automjetin, në gjendje të dehur.
Gjithashtu, referuan materialet në Prokurori ku filloi procedimi penal për shtetasit L. O., 21 vjeç, dhe A. X., 54 vjeç, për veprën penale “Shkelja e rregullave të qarkullimit rrugor”, pasi në fshatin Blacë, automjetet që drejtonin janë përplasur dhe si pasojë është dëmtuar lehtë shtetasi A. X.
Specialistët për Hetimin e Krimeve të Komisariatit të Policisë Maliq referuan materialet në Prokurori ku filloi procedimi penal për shtetasit T. H., 43 vjeç dhe A. M., 59 vjeç, pasi dyshohet se janë konfliktuar me njëri-tjetrin, për motive të dobëta.
Korçë/Më datë 22.06.2025, në fshatin Vithkuq, dyshohet se për shkak të një shkëndije elektrike, ka rënë zjarr në lokalin në pronësi të shtetases A. Sh. Si pasojë e zjarrit janë shkaktuar vetëm dëme materiale.
Pustec/Më datë 22.06.2025, në fshatin Gorricë e Madhe, ka rënë zjarr në një sipërfaqe toke me bimësi, në pronësi të shtetasit M. Gj., 71 vjeç. Po punohet për zbardhjen e shkakut të rënies së zjarrit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Pogradec/Rreth orës 05:20, në afërsi të PKK Qafë Thanë, ka marrë flakë në ecje, automjeti me drejtues shtetasin A. K. Si pasojë automjeti është djegur plotësisht.
Grupi hetimor po punon për zbardhjen e shkakut të rënies së zjarrit.
