Një valë vetëvrasjesh ka tronditur qarkun e Korçës, ku vetëm gjatë pesë ditëve të fundit janë regjistruar tre vetëvrasje dhe dy tentativa. Viktimat janë kryesisht të moshave të reja, duke e bërë situatën edhe më shqetësuese.
Si as psikologes Maria Dojçe shkaqet që çojnë drejt vetëvrasjes janë të shumta dhe të ndërlikuara. Mes tyre dallohen destabiliteti emocional dhe social, mungesa e strukturave mbështetëse, përdorimi në rritje i lëndëve narkotike, izolimi, si dhe problemet e vazhdueshme ekonomike dhe familjare. Këta faktorë krijojnë një klimë të rënduar, ku të rinjtë ndihen të pambrojtur dhe të pashpresë.
Në këtë situatë të rëndë, bie në sy mungesa e institucioneve të posaçme që të ofrojnë ndihmë profesionale dhe të menjëhershme për personat në krizë. Aktualisht, në Korçë mungon një qendër e dedikuar për trajtimin e problemeve të shëndetit mendor, veçanërisht për të rinjtë, të cilët përbëjnë një kategori shumë të ndjeshme dhe të rrezikuar.
Kjo valë vetëvrasjesh është një thirrje alarmi për të gjithë për familjet, për shoqërinë dhe për institucionet që të reagojnë me përgjegjësi, të investojnë në parandalim dhe të krijojnë mekanizma funksionalë për të ofruar ndihmë të specializuar.
Nëse situata neglizhohet, pasojat mund të jenë edhe më të rënda në të ardhmen. Mungesa e strukturave dhe mbështetjes nuk është më vetëm një mangësi është kthyer në rrezik real për jetën
