Bashkia e Maliqit ka marrë deri më tani 92 kërkesa nga qytetarët për të përfituar nga “Paketa e Maleve”, një nismë kombëtare që synon ringjalljen ekonomike të zonave malore përmes përdorimit të tokave të pashfrytëzuara.
Kryetari i bashkisë, Gëzim Topçiu, bëri të ditur se njësia vendore ka propozuar tre zona zhvillimore në territorin malor të Maliqit, të cilat i janë dërguar për shqyrtim Ministrisë së Pushtetit Vendor.
“deri në këto momente aplikimet për paktën e Maleve ka shkuar në 92, të shtrirë në gjithë pjesën malore të bashkisë Maliq, shpresojmë të rezistojnë për të shkuar deri në finale me plane biznesi të mirëfillta dhe prona që përfshihen në këtë paketën e maleve. ”
Sipas kryebashkiakut, për të përfituar nga kjo skemë, qytetarët duhet të jenë posedues të tokës dhe të aplikojnë në portalin zyrtar, ndërsa procesi i aplikimeve vijon të jetë i hapur.
” ata qe aplikojnë, duhet të kenë prona të të parëve të tyre, prona qe mund te mungojë një dokument e qeveria shqiptare, I mbështet duke u njohur me një kontratë minimale një euro që ata ta zhvillojnë biznesin e tyre në territorin malore të bashkisë Maliq, por kanë qenë të penguar për shkak të mungesës së pronësisë ”
Aplikimet kane qene nga te gjitha njesite administrative te kesaj bashkie kryesisht per bujtina, lokale si dhe mbjellje te arrave, geshtenjave dhe lajthive
