Pas 35 vitesh përkushtim në strukturat e Policisë së Shtetit, inspektor Shkëlqim Tomorri është vlerësuar me Certifikatën e Karrierës, me rastin e daljes së tij në pension.
Ceremonia u zhvillua në ambientet e Komisariatit të Policisë Korçë, ku shefi i Komisariatit, komisar Emiljan Pashaj, në emër të Drejtorit të Përgjithshëm të Policisë së Shtetit, Drejtues Madhor Skënder Hita, i dorëzoi certifikatën e vlerësimit.
Certifikata iu akordua me motivacionin: “Për merita të veçanta dhe kontributin e dhënë gjatë viteve të punës, në shërbim të Policisë së Shtetit.”
Përgjatë 35 viteve në detyrë, Shkëlqim Tomorri ka shërbyer në strukturat e Policisë së Shtetit, duke kontribuar në garantimin e rendit dhe sigurisë publike.
Në ditën e përmbylljes së karrierës së tij, inspektori falënderoi drejtuesit për vlerësimin, ndërsa uroi kolegët për suksese të mëtejshme në përmbushjen e detyrave.
Një karrierë 35-vjeçare në uniformë u mbyll me një vlerësim për kontributin dhe përkushtimin e dhënë ndër vite.
