“Nga 57 mjekë të qendrave shëndetësore të fshatrave të bashkisë Korçë, Maliq e Pustecit, 14 prej tyre janë mjekë pensionistë. Kjo pasi mjekët e rinj nuk pranojnë të shkojnë të punojnë në zonat rurale”
Një gjë e tillë pranohet edhe nga drejtori i Drejtorisë së Shëndetit Publik në Korçë, i cili shprehet se shteti detyrohet të zgjate kontratën me mjekët pensionistë pasi të rinjtë nuk pranojnë të punojnë në zonat rurale
Mikel Llogori
“Nga 57 mjekë që janë aktiv e punojnë në qendrat shëndetësore, 14 prej tyre janë mjekë pensionistë. E para është mungesa e mjekëve të rinj në zonat rurale, preferojnë zonat urbane apo kryeqytetin. Një pjesë e tyre vijojnë specializimet, e kjo krijon vakume në mbulimin e kujdesit shëndetësor. Në dukje është negative por për njerëzit është pozitive. Deri në këto momente kemi bërë maksimumin për kujdesin shëndetësor edhe në zonat më të larta ”
Petrit Kacorri prej 45 vitesh punon si mjek në qendrën shëndetësore në Maliq. Ai ka 4 vite që ka dalë në pension por ka një kërkesë për ministrinë e shëndetësisë.
Petrit Kacorri
” arrita 71 vjeç qw në 1980 kam filluar punë. Kam punuar mjek familje. Kam 4 vite në pension. Mos bëjë kontratat 6 mujore, mua më ka mbaruar kontrata ka një muaj, duhet të iki Tiranë për të shtyrë kontratën. Kjo është për të gjithë. Si unë jane 15-20 doktorë. Sa të jenë të shëndoshë të punosh, kur sje I aftë ikën vet ”
Të shumtë janë e mjekët që janë në prag pensioni ndërsa largimi i mjekëve dhe infermereve të rinj drejt Gjermanisë apo vendeve të Bashkimit Europian ngelet një plagë për shoqërinë shqiptare
