Një zjarr është raportuar pasditen e sotme në fshatin turistik të Linit, në bashkinë e Pogradecit. Menjëherë pas marrjes së njoftimit, shërbimi zjarrfikës i MZSH Pogradec është nisur drejt vendngjarjes me një mjet zjarrfikës dhe grupin e gatshëm të shërbimit.
Falë reagimit të shpejtë, flakët janë vënë nën kontroll pa shkaktuar dëme materiale apo në njerëz, ndonëse në momentin e mbërritjes ekzistonte rreziku për përhapjen e zjarrit në një banesë të afërt.
Shkaqet e rënies së zjarrit nuk janë ende të qarta, ndërsa autoritetet po punojnë për zbardhjen e plotë të rrethanave.
