Një zjarr i madh ka përfshirë zonën e Udënishtit, duke u përhapur me shpejtësi për shkak të erës së fortë. Për pasojë, policia ka ndërprerë qarkullimin e mjeteve në aksin Pogradec–Qafë Thanë, në afërsi të zonës së flakëve.
Në terren ndodhen forca zjarrfikëse dhe dhjetëra punonjës të shërbimeve, të cilët po përpiqen të vendosin nën kontroll vatrën. Situata paraqitet e rrezikshme, pasi zjarri i është afruar një pike karburanti dhe disa njësive hoteliere.
Autoritetet u bëjnë thirrje qytetarëve të shmangin lëvizjen në këtë segment rrugor dhe të tregojnë kujdes, derisa zjarri të vihet plotësisht nën kontroll.
