Shqipëria dhe juglindja në veçanti vitet e fundit kanë tërhequr vëmendjen e turistëve të huaj, kryesisht ato që vijnë nga vendet perëndimore
Këto vite ka një tendencë në rritje për të vizituar vendet historike dhe në mënyrë të veçantë ato të arkeologjisë
Një grup arkeologesh shumë të njohur si dhe pedagogë që lidhen me arkeologjine të universitetit të Salzburg kanë vizituar ditën e sotme Tumen e Kamenicës, një nga sajtet me të njohura të historisë së arkeologjisë të vendit tonë
Profesor Rubeer Bretwiser dhe Martin Chiefberger thane se Shqipëria dhe Korça ka vende të shumta që duhen vizituar por kanë nevojë për investime në kërkim dhe zbulim. Të dy prej tyre shtojnë se përgjegjësia nuk I ngelet vetëm qeverisë shqiptare por edhe vendeve të BE të cilat duhet të japin më tepër për vendet e Ballkanit
Rubeer Bretwiser
“Tuma e Kamenicës eshte nje nga vendet më interesante që kam parë. Një nga sajtet më të mirë mbajtura. Problemi është se këtu institucionet duhet të kenë më tepër vëmendje ndaj arkeologjise, të investojnë me tepër ne sajtet kulturore të trashëgimisë e nga ana tjetër edhe ne si vende të BE duhet të jemi më të përqendruara drejt vendeve të Ballkanit ”
Martin Chiefberger
” Ishim në Shkodër, Krujë, sot jemi në Korçë, me pas do të ikim në Butrint. Jemi një grup arkeologësh dhe profesorësh nga universitet i njohur dhe duam të njihemi me historinë tuaj. Një nga gjërat që do veçoja është vëmendja që kërkojnë këto vende arkeologjike nga institucionet, duhet me tepër investim ekonomik e nga ana tjetër do të shkruajmë e një raport për Austrinë, për të qënë më e vëmendshme me fonde drejt vendit tuaj ”
Në të njëjtën linjë është dhe arkeologu shqiptar Olsi Lafe i cili shton se me rritjen e numrit të vizitorëve në këto sajte rritet dhe nevoja e investimeve përfshi ato me grante europiane
” Nuk janë vizitorët e thjeshtë por janë individë profesionistë të ankitetit që vijnë në Shqipëri dhe kanë interes të kuptojnë më shumë nga pamja vizuale dhe përmbajtesore sic eshte Tuma e Kamenicës. A bëhet mjaftueshëm në disa raste, bëhet. Por a duhet bërë me tepër? Patjetër. Investimet në kulturë kërkojnë pasion, vetëmohim, nuk te kthehet ne pikëpamje ekonomike por kthehet në pikpamje të tjera ”
Tuma e Kamenicës është një nga tumat më të mëdha e më të njohura deri më tani, ku janë evidentuar varre , skelete kockore , objekte arkeologjike si qeramikë, armë, stoli prej bronxi, hekuri , argjendi , ari, qelibari dhe kocke. Ky vendvarrim prehistorik është monument kulture i llojit arkeologjik ku janë zbuluar rreth 425 skelete dhe 3600 objekte.
