Tre vajza të huaja thurin traditën shqiptare në Korçë
Korça, qyteti i njohur për artizanatin dhe trashëgiminë e pasur kulturore, ka tërhequr këtë herë tri vajza të huaja, të cilat po mësojnë mjeshtërinë e thurjes së qilimave.
Njëra prej tyre vjen nga Turqia dhe ka një lidhje të veçantë me vendin tonë. Nëna e saj është me origjinë nga Korça, ndërsa babai turk, dhe për këtë arsye ajo e ndien thurjen e qilimave jo vetëm si një pasion, por si një rikthim tek rrënjët e familjes.
Sinkron
Burcu
“Jam Burxhu, jetoj 8 vite në Shqipëri. Jam me orgjinë nga Korça, Mami nga Korça e babi nga Turqia e unë jetoj ne Tirane tani. Unë e kam qejf të bëj punedore e të mësoj diçka shumë ndryshe, kjo është hera e parë për mua. E pëlqeva shumë, është shumë tradicionale. Nuk e di nqs jam mirë po, unë kam filluar sot e të shohim, mund të provoj me shume për projekt me të madh ”
Krahas saj, një vajzë nga Tajvani dhe një tjetër nga Anglia, të dyja të mahnitura nga bukuria e traditave shqiptare, kanë zgjedhur të mësojnë këtë zanat shekullor. Ato tregojnë se janë dashuruar me motivet, ngjyrat dhe simbolikat e qilimave shqiptarë
Sinkron Min Chih
“Përherë e pyesja veten a mund të bëj një qilim të bukur kur e pashë për herë të parë në Pazari I Vjetër në Korçë dhe jam shumë e lumtur që po mësoj tani. Me pëlqen tradita shqiptare. Nqs bëj nje qilim, do e marr me vete në Taivan”
Tala
“E pamë online këtë mundësinë dhe përherë kam dashur të mësoj të thurr qilima. Erdha kastile nga Tirana në Korçë për të mësuar. E dua traditën shqiptare. Po mësoj sepse jam e interesuar t’i bëj vet një ditë”
Kjo iniciativë ka nisur nga një sipërmarrje në Korçë, ku vajzat e reja kanë mundësi të mësojnë dijebërjen e qilimave të vjetër çdo javë në Qendrën Rinore, ku tingujt e tezgjahut bashkohen me frymën rinore dhe gjeneratave
