Charles Bismark do të jetë pjesë e Skënderbeut edhe në Kategorinë e Parë.
Sulmuesi nuk ka qenë pjesë e stërvitjeve të para, por do të rikthehet në Korçë brenda javës së ardhshme.
Rikthim i rëndësishëm për juglindorët, që synojnë të rikthehen në Superiore në sezonin e ri.
Bismark ishte pjesë e Skënderbeut në sezonin e fundit në elitë, ku arriti të shënojë edhe tetë gola.
Kujtojmë se korçarët kanë nisur përgatitjet prej disa ditësh, nën urdhrat e trajnerit Ernest Gjoka.
