Djem si ky i ri, që punojnë dhe mbajnë me ndershmëri shpresën e familjes, janë vlera e këtij vendi. Në një Shqipëri ku rinia është pasuri kombëtare, respekti për ta nuk negociohet!
Uniforma e shtetit është PËRGJEGJËSI dhe BESIM i dhënë për të shërbyer qytetarin. Sjellje të tilla cënojnë jo vetëm qytetarin, por edhe mijëra burra e gra të ndershëm të Policisë së Shtetit që e nderojnë përditë uniformën me punë dhe sakrificë.
Mbrojtja e qytetarëve është DETYRIM dhe çdo abuzim ndëshkohet pa tolerancë e pa kthim! Ky është standardi!
RepostX Edi Rama
Pezullimi nga detyra i efektivit të Policisë së Shtetit Dibër, që jashtë shërbimit ka marrë pjesë në një konflikt të shëmtuar fizik në Vlorë, është vetëm masa e parë që duhet të pasohet nga përjashtimi i këtij individi pa kthim në radhët e policisë, si edhe nga dorëzimi i tij në duart e drejtësisë sapo të dalë nga spitali.
Ndërkohë në pakon e masave të reja të reformës së kontrollit të territorit, janë përshirë edhe rritje të peshës së përgjegjësisë para ligjit të të gjithë punonjësve të shtetit që operojnë në kontakt më komunitetet e me qytetarët, të cilëve nuk do t’u tolerohen shkeljet e asnjë natyre që cënojnë komunitetin apo qytetarin, qoftë gjatë orëve të shërbimit qoftë jashtë orëve të shërbimit.
*Shembull: Çdo punonjës apo zyrtar i shtetit që zotëron një ngrehinë pa leje për qëllim fitimi apo që shfrytëzon një hapësirë publike për të nxjerrë fitim (përveç ndëshkimeve të njëjta për të gjithë) do të ndiqet penalisht dhe do të përjashtohet nga detyra pa të drejtë kthimi në një punë në sektorin shtetëror për një numër të konsiderueshëm vitesh👊
